Вилијам, Кејт и нивните три деца, шестгодишниот Џорџ, славеничката Шарлот и двегодишниот принц Луис, се во изолација во Норфок.
Британската принцеза Шарлот ќе го прослави својот петти роденден со торта, игри и видеоповик на „Zoom“ со својата прабаба, кралицата Елизабета.
Војводата и војвотката од Кембриџ ќе организираат видеоповик со цел Шарлот следната сабота да може да ја помине со семејството и пријателите и притоа да се придржува до мерките за физичка оддалеченост воведена во борбата против пандемијата на коронавирусот.
Вилијам, Кејт и нивните три деца – шестгодишниот принц Џорџ, славеничката Шарлот и двегодишниот принц Луис се во изолација во Норфок, но ќе се потрудат Шарлот да се забавува на својот роденден следната недела и покрај неизбежните околности на кои коронавирусот го принуди светот.
Вилата Анмер Хол, кралскиот свадбен подарок за Вилијам и Кејт се наоѓа на простран имот во Сандрингем. Семејството може да ужива во долгите прошетки и пикник, а и понатака да биде во изолација.
– Прабабата ќе и се придружи на нејзиниот голем ден, откри изворот за „The Sun“.
Кралицата со својот сопруг престојува во дворецот Виндзор. Војводата од Единбург, 98-годишниот принц Филип е многу поврзан за малечката Шарлот и исто така ќе учествува во видеоповикот.
