Фотографката Дани Леит одлучила да го фотографира својот син Лорензо и тоа секој пат кога ќе наполни месец дена и така се до година дена. Но, со оглед на тоа дека важи за забавна фотографка, сакала фотографиите да ги направи забавни. Решение? Парче пица! „Мојата мајка рече да направам нешто италијанско. Што е подобро од пица која ќе ја земаме еднаш месечно и ќе ги добиеме овие прекрасни фотографии?“, напишала тогаш на Инстаграм.
Колажот од фотографии кои на крајот ги објави покажувајќи го бебето како лежи до отворена картонска кутија од пица, а за секој месец додавала парче пица означувајќи колку е старо бебето. Секако, фотографиите станаа вирални, а малиот Лорензо сите го памтат како „пица бебето“.
Лорензо пред неколку дена наполни 2 години, а мајка му сними нова фотографија како продолжение на проектот кој ги прослави. А секако е интересно тоа што Лорензо слави роденден само еден ден после Националниот ден на пицата во САД, а кој и во светот се одбележува како Меѓународен ден на пицата.
