Лилит Вампир (27) од Лондон тврди дека е вампир стар 600 години, па така таа избегнува сончева светлина и пие крв.
Поради необичниот начин на живот таа собрала повеќе од 150.000 следбеници на Инстаграм. Иако има сосема обична работа, Лилит се посветила на тоа да живее „вампирски“ живот, односно се придржува до одредени правила на однесување, па така таа избегнува директно сонце и сончева светлина и тврди дека најмногу енергија има во текот на ноќта. Нејзината воодушевеност од вампирите започнала додека таа била девојче, па така започнала да гледа филмови и да чита книги за вампири.
„Прво го запознав ваквиот живот кога го гледав Дракула и тогаш ме воодушевија овие мистични битија. Сакав се што е поврзано со вампирите, а тоа ми помогна да пронајдам и други луѓе како мене… Најдобро се чувствувам на самрак“, раскажа таа.
Таа верува дека станала вампир на 18 години, но тогаш не била целосно свесна за тоа. Сега го сфатила својот „реален“ живот и започнала така и да се однесува. Таа не само што изгледа како вампир од раните книги и филмови, туку призна и дека пие човечка крв. Таа откри дека крвта ја добива од луѓето кои размислуваат исто како и таа и дека таа личност никогаш не е во опасност како во филмовите.
„Првпат пробав човечка крв од љубопитност. Имаше вкус на железо, како бакар. Но вкусот е различен на секоја крв. Правиме пресек на неприметен дел од телото и оттука ја добиваме крвта. Тоа се главно мои пријатели или луѓето кои сум ги запознала преку мојот животен стил. Не ми е потребна голема количина на крв, се е всушност во самиот чин, многу е интимен“, наведува Лилит.
Оваа девојка всушност верува дека има 600 години, а тврди и дека чувствува голема поврзаност со минатото.
„Понекогаш се чувствувам престаро. Секогаш ме интересирала историјата и можам да кажам дека оттогаш многу работи се променија, но претходнииот свет ми е познат, како да сум живеела во него“ објасни таа и откри дека во својот животен стил вистински ужива.
Најмногу и се допаѓа чувството на слобода и моќ, но и дружењата со „други вампири“. За неа овој живот е клуч за личното напредување, но и за сфаќањето на човековиот вид и животот.
