Веќе знаеме дека првата и најважна препорака од епидемиолозите во врска со коронавирусот е миење на рацете, а дека постои голема разлика меѓу добро и лошо измиени раце, покажува фотографијата што кружи на Инстаграм.
На оваа фотографија составена од шест помали фотографии е прикажана разликата помеѓу неизмиените раце, лошо измиените раце и правилно измиените раце.
На првата фотографија е прикажана рака што не е измиена, потоа рака што е измиена само со вода, рака која шест секунди е миена со вода без сапун, потоа рака која шест секунди е миена со сапун и вода и на крајот рака која 30 секунди е миена со сапун и вода.
Од првите фотографии може да се забележи дека на рацете има голем број бактерии, а на последната фотографија се гледа дека раката е целосно чиста.
Според фотографијава може да заклучиме дека рацете треба темелно да се мијат 30 секунди за да се отстранат бактериите од нив.
