Затварањето на капакот од веце школката топло се препорачува во текот на пандемијата на коронавирусот бидејќи група научници откриле дека вирусот може да се прошири и преку фекалните материи кои во текот на испирањето на школката можат да „излезат“ во надворешната средина.
Болеста Ковид-19 за која научниците веќе предупредија дека може да се пренесе со фекална и орална трансмисија, исто така може да се шири и преку аеросолизираниот измет, пренесува Форбс повикувајќи се на студијата која ја објави Здружението на професионалци во контрола на инфекциите и епидемиологијата.
Изметот кој е аеросолизиран може да дојде до воздухот кога ќе пуштите вода во веце школката, што доведува до ширење на аеросолите кои понекогаш содржат фекални материи настанати со плакнењето.
– Затворете го капакот, а потоа пуштете вода – советуваше професорот за машинско инженерство од Универзитетот Пурд, д-р Кингјан Чен и додаде дека ова претставува едноставно решение за помош при контролирањето на ширењето на болеста преку тоалетот.
Чен изјави дека затворањето на капакот од веце школката може да спречи дури 80 проценти од фекалните честички да излезат во воздухот.
