Ако сте љубител на лиснати теста, овој рецепт редовно ќе го правите за појадок или за вечера.
Потребни состојки:
500 гр тенки готови кори
300 гр сирење
Масло
Едно јајце
Прашок за пециво
Жолчка за премачкување
Подготовка:
Сирењето испасирајте го, измешајте го со јајцето и додадете половина од кесичката прашок за пециво. Измешајте го филот додека да се изедначи.
На првата кора премачкајте малку масло и врз неа и ставете уште една. Ставете од смесата со сирење, а врз неа уште една кора, премачкајте со масло и ставете и четврта кора.
„Здиплете“ ги корите и сечете триаголници од нив. Ставете ги во тава и премачкајте ги со изматена жолчка. Посипете со сусам и ким.
Печете во загреана рерна на 200 степени, 30 минути.
