Кралицата Летиција отпатува во Валенсија со цел да присуствува на доделувањето на престижните награди „Rei Jaume I”.
Овие награди се основани во 1989 година и им се доделуваат на научници кои постигнале успех во своето истражувачко подрачје.
Во моментот постојат шест различни категории, а на добитниците им се врачува златен медал и парична награда од 100.000 евра, со обврска дел од тие пари да ги реинвестираат во истражувања.
Сосема очекувано, Летиција на доделувањето пристигна во многу елегантно издание.
Таа облече комплет од дизајнерката Каролина Херера која ја обожава, а комплетот многу потсетуваше на облекувањето на војвотката Кејт Мидлтон, но и кралицата Летиција во него изгледаше перфектно.
Сивиот фустан и капутот со виолетова постава се од старата колекција на оваа дизајнерка, а кралицата ги комбинираше со класични сиви салонки и повторно ги воодушеви модните критичари и јавноста со својот префинет стил на облекување.
