Благородничките обично ги замислуваме во долги балски фустани и со тијари, но некои од нив не се плашат да направат модно изненадување.
Сопругата на шпанскиот крал Фелипе Шести по многу работи се издвојува од светот на принцезите и кралиците, така што не е изненадување да се види во комбинации кои ги носела порано, како ниту во модни парчиња со доста пристапни цени или кратки здолништа.
Меѓутоа, тоа не е единствената модна смелост на кралицата Летиција од Шпанија! Таа обожава експериментирање со стилови, па така пред неколку дена покажа дека жената може да изгледа еднакво женствено и нежно дури и кога е во построга модна комбинација.
Поранешната новинарка се појави на една изложба во Кралската палата во Мадрид и носеше деловно одело од модната куќа Hugo Boss, кое е составено од панталони со рамен крој што ја пратат линијата на телото и благо предимензионирано сако со лажно дворедно закопчување. Таа се одлучи за пастелно розова нијанса на одело и салонки со полна штикла во ист тон, а ваквата нежна боја се усогласува со белата блуза од Carolina Hererra која и претходно имавме прилика да ја видиме на кралицата.
Шпанската кралица е позната по тоа што без разлика на сериозноста на некое случување, секогаш успева да биде храбра и креативна при изборот како со облеката, така и со накитот, но овој пат беше доста умерена во втората ставка, па така таа се определи за суптилни златни алки и ефективен прстен.
