Пејачката на групата „Нови фосили“, Сања Долежал, e шокирана од фактот дека поедини родители на своите ќерки за 18-ти роденден им подаруваат силикони.
Сања важи за природна убавица и иако никогаш не правела пластични операции, вели дека се нервирала што има мали гради.
„Сега имам 56 години, а кога имав 20 естетските операции не беа достапни. Да имам 20 години, којзнае. Секогаш се нервирав што имам мали гради, може ќе отидев да го средам тоа. Задоволна сум што не поправав ништо на себе. Денес многу се фалат со тоа, тоа стана тренд“, вели пејачката која смета дека големината на градите никому нема да му го смени животот.
„Ме разжалостува кога гледам дека младите девојки го прават тоа. Знам дека родителите за 18-ти роденден на своите ќерки им подаруваат гради, мене тоа ми е шокантно. Дали баш тие големи гради некому ќе му го спасат животот? Не сум сигурна. Јас и сопругот првенствено вложувавме во децата и во нивното знаење и образование и ги учевме дека тоа никој нема да може да им го одземе“, рекла Сања за Блиц.
