Расправијата поради две пици со лук станала насилна во германскиот град Менхенгладбах до тој степен што таксистот соборил жената кога таа се обидела да го спречи да не ја остави на сред пат.
Еден пар во дваесеттите години купиле две пици со лук во раните утрински часови во саботата, по ноќното излегување во Менхенгладбах.
Не му се допаднал мирисот
Кога одлучиле да си одат дома, таксистот првично одбил да ги земе поради интензивниот мирис, но подоцна се согласил. Додека возел, го запрел автомобилот и им рекол на патниците да излезат со пиците бидејќи му пречел силниот мирис.
Избила расправија, во која наводно двете инволвирани страни се туркале и удирале шлаканици, велат претставници од локалната полиција за германските медиуми.
Кога таксистот сакал да се оддалечи, жената застанала пред автомобилот за да го запре.
Истрагата е во тек
49-годишниот таксист се оддалечил и ја соборил жената на хаубата од автомобилот, каде останала неколку метри пред да падне на патот.
Потоа таксистот побегнал. Но, за среќа, полицијата набрзо го пронашла возачот и му ја одзела возачката дозвола. Сега истиот е под истрага за предизвикување сообраќајни опасности.
Извор: 7news
