Сопственикот на ресторанот воведе плаќање на влезница во објектот за секој гостин што ќе дојде да јаде, освен ако не се работи за деца.
Влезницата чини три евра, а причината е драстичниот раст на сите влезни трошоци – од намирници до енергија.
Хорст Ингендорн, сопственик на ресторан во германскиот град Ретингер, изјави за „WDR“ дека немал избор.
„Месото е поскапо за 30 до 50 отсто, зеленчукот 30 отсто. Маслото за пржење поскапе за повеќе од 100 отсто, а трошоците за енергија за 2.000 отсто. Во еден момент ја повлеков рачната и реков дека мора да направам нешто сега. Наместо да го сменам менито и да ја зголемам цената на водата и другите услуги, решив да ги воведам тие три евра“, објаснува германскиот угостител.
Веќе три недели гостите на ресторанот „Рејнџер“ мораат да платат паушал наменет за ублажување на дополнителните трошоци.
„Гостите со кои разговарав го разбираат тоа и мислам дека отвореноста и искреноста се всушност прилично добри“, изјави Ингендорн за „WDR“.
