Во светот постојат луѓе кои не се на насловните страници и не се милијардери, но чиј начин на живот прави да се чувствуваме горди што живееме на оваа планета!
Еден таков херој е Тонг Фуок Фук, Виетнамец кој спасил животи на десетици деца. Денес тој е „татко“ на повеќе од сто деца кои никогаш немало да се родат ако не бил тој.
Се започнало во 2001 година кога неговата сопруга била бремена и имала компликации. И додека чекал во болница, видел како многу бремени жени влегуваат во салата, но излегуваат без деца.
На почетокот не сфатил, но кога го видел медицинскиот персонал како ги изнесува завитканите фетуси, му станало јасно. Тој бил толку длабоко трогнат што побарал да му ги дадат тие мали тела.
Ја зел целата заштеда што ја имал од својата работа како градежен работник и купил мало парче земја каде што можел да ги закопува телата на абортираните деца.
На почетокот неговата сопруга мислела дека е полудел, но тој продолжил да го прави тоа, а денес на овие необични гробишта има повеќе од 10.000 абортирани фетуси.
Кога почнал да ги закопува фетусите, мајките кои ги абортирале децата почнале да доаѓаат на гробиштата и да се молат, а трудниците кои размислувале за абортус почнале да доаѓаат и да бараат помош. Фук ја отворил вратата од својата куќа и им понудил да ги посвои нивните несакани деца.
Оттогаш, тој посвоил повеќе од 100 деца кои инаку би биле абортирани. Со текот на времето, многу жени се вратиле да ги бараат своите деца кога си ги подобриле условите за живот. Иако ова е многу мачна работа, Фук не размислува да се откаже.
– Ќе го правам ова до последен здив. Ги охрабрувам и моите деца да продолжат да им помагаат на луѓето – рекол овој човек херој.
