Се вика The One, раскошната куќа е дело на архитектот Пол Меклин, се состои од четири објекти, располага со 21 спални соби, 49 купатила, приватно кино за 40 луѓе…
Најскапиот дом во САД од неодамна е достапен за продажба. Имотот наречен The One се наоѓа во Бел Ер, Лос Анџелес и се продава за 295 милиони долари.
The One се простира на 1,5 хектари приватен имот и зафаќа нешто помалку од 10.000 квадратни метри станбена површина. За споредба, куќата е двојно поголема од Белата куќа во Вашингтон.
Дополнително располага со пет базени, огромен балкон, тениски терен, мини терен за голф, и приватна патека за трчање. Во составот на куќата се наоѓа и теретана, козметички салон, велнес и спа зона, како и куглана.
