Севернокорејскиот лидер Ким Џонг Ун за прв пат на светот му ја покажа својата ќерка на фотографиите на кои се гледаат двајцата пред лансирањето на најголемата балистичка ракета на таа земја ден претходно.
Како што пишуваат некои медиуми појавувањето на ќерката на лидерот на Севрна Кореја ги зголемува шансите водењето на тоталитарната држава да премине на четвртата генерација на семејството Ким и сугерира дека нуклеарното оружје ќе биде дел од тоа наследство, оценуваат западните аналитичари.
„Ова е прва прилика во која ја видовме ќерката на Ким Џонг Ун на јавен настан“, кажа Мајкл Маден, експерт за севернокорејската политика во Стимсон центарот во Вашингтон.
И сопругата на Ким, Ри Сол Ју, која исто така ретко се појавува во јавност, беше вчера на лансирањето, јави КЦНА.
„Кога и да се појави Ри во јавноста, се испраќа стратегиска порака. Обично таа се појавува со Ким за да се намали тензијата или да се покаже кохезијата во семејството Ким во време на внатрешни проблеми во државата“, вели Кен Гаусе, експерт за Северна Кореја од американската истражувачка организација ЦНА.
