Bо населбата Ѓорче Петров почна снимањето на краткометражниот игран филм „Нитаму ниваму / Turbo-net“, по сценарио и во режија на Надежда Панова.
Филмот е македонско-швајцарска копродукција и подржан е од Агенцијата за филм и регионалниот филмски фонд , Синефором, Женева.
Во актерскиот тим има и млади и искусни глумци како Катина Иванова, Валентина Грамосли, Соња Михајлова, Сашо Тасевски, Исидор Јовановски, Илија Волчески, Ивана Павлаковиќ, Игор Трпчевски, Петар Стојанов, Надица Дојкоска, Петар Горко и Матео Матевски, познат меѓу најмладите од серијата Зоки Поки.
Филмот ја кажува приказната за едно македонско семејство, и предизвиците со кои се соочуваат неговите членови после смртта на таткото, сопственик на првото интернет кафуле во градот: -Турбо-нет.
Снимањето ќе продолжи во населбата Водно, во Скопје, а премиерата е планирана за пролет 2023-та година.
