Липтауер е класично јадење што обично се состои од различни видови свежи или крем сирења, помешани со мелена пиперка и разновидни свежи билки и зачини. Иако има долг спор за вистинското потекло на овoj класичeн намаз на Централна Европа, неговото име секако потекнува од германскиот термин што се користи за словачкиот регион Липтов.
Поради присуството во традиционалната унгарска и австриска кујна, се верува дека е создадено во периодот на Австро-унгарската монархија. Денес, се појавува во бројни варијации низ многу европски земји и обично се ужива како сос, намаз или кремаст, зачинет додаток на месо на скара.
View this post on Instagram
Потребни состојки:
– 225 гр крем сирење или урда
– 100 гр солен путер, омекнат
– 1 чешне лук, ситно сецкано или рендано
– 2 лажици кромид, ситно сецкани
– 1 лажица каперси, сецкани
– 1-1,5 лажичка црвен пипер
– 1 лажиче ким
– 1 лажиче сенф
– ¼ лажичка сол
Подготовка:
– Комбинирајте ги сите состојки во средна чинија и измешајте со помош на електричен миксер, додека сè не е добро измешано и сирењето не е меко.
– Ставете го намазот во херметички затворен сад најмалку 1 час пред сервирање.
Липтауер традиционално се служи на ‘ржан леб, но вкусен е и кога се нанесува на било каков вид леб или крекери. Ќе трае 1-2 недели во фрижидер.
