Состојки:
300 гр брашно
200 гр маргарин
150 гр исечкани маслинки
150 гр сирење
1 јајце
20 гр квасец
2 лажички вода
200 гр јогурт
За премачкување:
1 јајце
оригано или босилек
Подготовка:
Брашното ставете го во длабок сад, а врз него изрендајте го маргаринот, додајте ги сирењето, исечканите маслинки, јајцата и јогуртот. Доколку сирењето е солено, нема потреба да додавате дополнително количество сол. Потоа, изматете го квасецот со две лажици вода и истурете го во брашното. Сите состојки потребно е убаво со рака да ги измесите и да добиете меко тесто. Вака добиеното тесто оставете го да отстои околу 30 минути.
Откако ќе помине потребното време, истурете го тестото на работна површина и повторно убаво измесете го, а потоа со сукало растегнете го со дебелина од околу три сантиметри и вадете ги лепчињата со помош на поголема чаша.
Откако ќе ги подготвите сите лепчиња, намачкајте ги со јајце и посипете ги со оригано или босилек (по ваша желба).
Вака подготвените лепчиња, ставете ги да се печат во претходно загреана рерна на 200 степени околу 25 минути.
