Шопската салата ја има во менито на речиси секој ресторан во Македонија, но и во соседните држави, најмногу во Бугарија и Србија.
Се работи за комбинација која ни е добро позната на сите – краставици, домати, кромид и сирење. Во некои верзии има и парчиња пиперка, а некои го изоставаат кромидот или пак врз сирењето додаваат и сецкан магдонос.
Се верува дека името на салатата доаѓа од Шопите, група народ кој е потомок на Печенезите.
Географскиот реон Шоплук опфаќа делови од западна Бугарија и североисточниот дел од Македонија, како и југоисточна Србија и сосема мал дел од Грција.
Шопите произведувале вкусно сирење, кое го додавале во салатите. Се верува дека денешниот рецепт им го должиме токму нив.
