Во САД традиционално, есента се пречекува со храна со зачин на тиква и цимет, а омилен десерт што совшено ја спојува таа комбинација се мафините. Мафините станаа популарни и кај нас последниве години, па затоа во продолжение споделуваме едноставен рецепт во ќе можат да помогнат и вашите малечки.
Потребни состојки:
– 225 гр мазно брашно
– 2 лажички прашок за пециво
– 1 лажица мелен цимет
– 100 гр шеќер во прав
– 50 гр мек кафеав шеќер
– 200 гр пире од тиква (зготвена и испасирана тиква)
– 2 јајца
– 125 гр стопен путер
Подготовка:
Загрејте ја рерната на 200 степени. Премачкајте калапите за 12 мафини. Измешајте брашно, прашок за пециво, цимет и двата вида шеќер заедно во голема чинија. Раскршете ги грутките кафеав шеќер меѓу прстите со триење. Изматете ги пирето и јајцата заедно, потоа додајте ги во сувите состојки со растопениот путер.
Мешајте ја смесата една до две минути со електричен миксер додека не се соедини. Истурете ја смесата во калапи и печете 15 минути додека не поруменат и нараснат. Извадете ги мафините од рерната и почекајте да се изладат. Послужете кога ќе се изладат. Можете да ги чувате до три дена во херметички затворен сад. Идеални се и како појадок со чаша млеко или чај. Се надеваме дека ќе уживате во овој совршен есенски рецепт.
Добар апетит!
