Нашиот тим започна убава соработка со една врвна готвачка која секое јадење го претвара во магија од вкусови – Теодора Георгиевска.
Оваа извонредна мајсторка и една од највлијателните готвачки на социјалните мрежи кај нас, стои зад бројните рецепти кои ги објавува на профилот „Готвиме со Теа“ – „gotvime.so.tea“.
Теа денес ни ги направи највкусните чоколадни трафлс кои се топат во уста! Веруваме дека долго време не сте пробале нешто толку вкусно и кремасто. А, добрата страна на овој рецепт, како што вели Теа е што се здрава варијанта на благо.
View this post on Instagram
Потребни состојки:
- 250 гр чоколадни капки
- 100 мл кокосово млеко
- 30 гр какао
- 1 лажичка ванила екстракт (опционо)
Начин на подготовка:
Кокосовото млеко загрејте го на тивок оган и во него додадете ги чоколадните капки. Мешајте постојано за да не ви загори, додека целосно да се стопат чоколадните капки. Оваа смеса ставете ја во фрижидер да се излади најмалку 3 часа. Откако ќе се со влажни раце формирајте бомбици и извалкајте ги во какао. Најдобро е да ги чувате во фрижидер во кутија со капак за да не омекнат.
На здравје и уживајте во овој незаменлив кремаст вкус!
