Состојки:
3 главици кромид
3 чешниња лук
5 тиквички
3 парчиња пилешко филе
црвен пипер
сол
црн бибер
кечап
200 мл кисела павлака
200 гр кашкавал
Подготовка:
На оган ставете да се пропржат ситно исечканиот кромид и лук заедно со остатоците од внатрешноста на тиквичките што претходно сте ги издлабиле и кои планирате да ги полните.
Откако зеленчукот ќе се пропржи, тргнете го од оган и оставете го да се излади.
Пилешкото месо исечкајте го на ситни коцки и кратко пржете го. Потоа, додајте го во останатата смеса. Посолете, ставете црн пипер и црвен пипер и промешајте.
Издлабените тиквички наполнете ги со вака подготвената смеса, наредете ги во претходно обложена тава за печење и ставете им одозгора кечап и кисела павлака.
Вака подготвените тиквички печете ги во претходно загреана рерна на 150 степени околу 20 минути. Потоа извадете ги и врз нив изрендајте кашкавал.
Вратете ги да се допечат, односно да се стопи кашкавалот.
