Рецептот е наменет за вистинските љубители на благото…
Доколку сакате чоколадо најдобро е сами да го направите и така да бидете сигурни дека ќе уживате во благо од проверени состојки. Ова е многу едноставен рецепт и се што ви е потребно е малку време и сигурно ќе уживате во чоколадо какво што сигурно до сега не сте пробале.
Потребно е:
– 200 гр квалитетно чоколадо за готвење (со што поголем процент на какао)
– 100 гр експандиран ориз
– 250 гр путер или маргарин
– 100 гр мед
– 100 гр бадеми
Подготовка
Во сад на пареа истопете го медот, додадете го на коцки исецканиот маргарин, чоколадото искршено на коцки и се добро стопете.
Откако смесата ќе стане течна и хомогена, додадете го оризот и бадемот и добро промешајте. Смесата ставете ја во калапи по избор.
Оставете да се олади во фрижидер 2-3 часа и уживајте во вкусот.
Пријатно!
