Освен што се на изглед убави, овие колачиња се и многу вкусни, а тоа што дополнително ќе ве израдува е што нивната подготовка нема да ви одземе многу време.
Состојки:
4 белки
70 гр шеќер
230 гр шеќер во прав
120 гр мелени бадеми
малку сол
прехранбена боја
фил по желба (какао крем, мармалад, слатка павлака, шлаг крем)
Подготовка:
Загрејте ја рерната на 150 степени. Белките и шеќерот изматете ги со миксер додека не добиете цврста маса. Потоа додајте ја прехранбената боја и матете уште една минута.
Просејте ги бадемите, шеќерот во прави и солта двапати за да ги отстраните сите можни грутчиња. Постепено и внимателном спојте ги со смесата од белки. Смесата треба да биде мазна и густа и да не се разлева.
Во плех ставете хартија за печење, а потоа со шприц обликувајте смеса во мали топчиња. Печете 15-20 мунути.
Спојувајте по две колачиња и филувајте ги помеѓу. За тоа можете да користите мармалад или слатка павлака, крем, шлаг или обично растопено чколадо.
