– Продолжува долгиот период на стабилно, суво и сончево време, повремено со мала локална облачност. Само во четврток и тоа во планинските предели локално ќе има малку повеќе облачност и ќе има услови за сосема краткотраен дожд.
Ќе дува слаб до умерен ветер од променлив правец, додека наутро по одделни котлини и речни долини ќе има услови за појава на магла. Наутро температурите ќе се спуштаат во интервалот од 4 до 10 степени, додека во југоисточните предели истите се очекува да останат над 10 степени.
Максималните дневни пак и понатаму ќе бидат НЕВООБИЧАНО ВИСОКИ за овој дел од годината и ќе се искачуваат во интервалот од 22 до 28 степени. Во југоисточните предели истите се очекува да се искачат дури до околу 30 степени.
Во Скопје и околината продолжува стабилното, суво и претежно сончево време. Наутро во котлината ќе има услови за појава на магла а преку денот ќе дува слаб до умерен ветер од променлив правец. Минималните температури ќе се спуштаат во интервалот помеѓу 7 и 8 степени. Максималните дневни температури пак ќе се искачуваат во интервалот помеѓу 23 и 25 степени, вели метеопрогнозерот Славчо Попоски
