Важно е да знаете колку всушност варените јајца можат да издржат пред да се расипат.
Најдобра солуција е да ги чувате во фрижидер. Така можат да издржат и една недела без да се расипат. Меѓутоа, ако го излупите јајцето, без оглед како го чувате, пожелно е да го изедете истиот ден.
Јајцата се чуваат на температура од 4 степени Целзиусови или на помала, во оригинална (картонска кутија), на полица што е во фрижидерот, а не на вратата и што подалеку од храна со силен мирис. Не се препорачува замрзнување на варените јајца.
Центарот за контрола и превенција на болестите јасно истакнува дека секоја храна што се чува два часа надвор од фрижидер веќе е расипана, а тоа важи и за варените јајца. На ова треба особено да се обрне внимание ако варените јајца се чуваат во многу топли простории или близу до извор на толлина. Тогаш се смета дека се расипани после само еден час.
Затоа кога ќе ги служите обоените јајца за Велигден, мора да водите сметка да не бидат повеќе од два часа надвор од фрижидерот.
