Белата боја на храната најчесто се поврзува со „лоши јаглехидрати“ како брашното, печивата, белиот ориз и многумина веруваат дека белата храна не е здрава.
Но, вистината е дека постојат бели намирници кои што се здрави за вас, како што се целите житарици, карфиолот, печурките…
Печурки – богати со протеини, витамин Б, калиум, а во исто време и нискокалорични.
Карфиол – одличен извор на витамини Ц и К, фолати и растителни влакна. Најдобро е да го јадете варен или печен.
Овес – овесот и овесните снегулки го намалуваат холестеролот, а во исто време и заситуваат поради високата концентрација на растителни влакна.
Млеко – млекото е богато со калциум, а и помага за подобро спиење. Но, најдобро е да го пиете во ограничени количини, а да го избегнувате ако имате нетолеранција на лактоза и казеин.
Остриги – оваа намирница не можете да ја сместите во дневното мени, но слободно можете да ја јадете кога ќе најдете свежи. Богати се со железо и цинк.
Лук – многумина го избегнуваат поради специфичниот мирис, но во реалноста, е богат со многу хранливи материи кои помагаат во подобрување на имунитетот и стабилизирање на крвниот притисок.
Пуканки – нискокалорични грицки кои е најдобро да ги подготвите сами, бидејќи оние за микробранова печка имаат многу сол и адитиви.
Тофу – сирење од соја кое е богато со селен, протеини и омега-3 масни киселини, како и мала концентрација на пробиотик поради процесот на ферментирање.
