Кај внатрешното крвавење, количината на крв не мора секогаш да ја одразува реалната состојба на работите. Големи количини крв може да се наталожат некаде во телото, пред да се појават симптоми или компликации.
Вообичаените симптоми се магла во главата, болка, тешкотии со дишењето и забрзано чукање на срцето. Иако може да се појават исти симптоми без оглед на местото на крварењето, понекогаш треба да се обрне внимание и на оние кои ќе откријат каде се случило крварењето, на пример, модринките на местото на стомакот, ако крварењето се случило на тоа место. Без итен третман кај лекар, компликациите може да бидат опасни по живот. Може да се работи за интензивно или слабо крварење, без или со симптоми кои може да доведат и до губење на свеста. За жал, понекогаш состојбата не може веднаш да се забележи, па затоа е добро да се познаваат сите симптоми.
Кај внатрешното крвавење, количината на крв не мора секогаш да ја одразува реалната состојба на работите. Големи количини крв може да се наталожат некаде во телото, пред да се појават симтпоми или компликации. Спротивно на тоа, дури и мало крвавење на подрачјето на мозокот може да се открие со силни симптоми или дури со смртен исход.
Што може да предизвика внатрешно крвавење?
Некои од потенцијалните причини можат да бидат траума како повреда, разни видови фрактури, аневризма, нарушување на крвавењето и лекови за разредување на крвта…
Кои симптоми најчесто се појавуваат?
Важно е да запомните дека количината на крвавење не мора да одговара на симптомите, во случај на траума и рано појавување на симптомите не значи дека лицето е безбедно. Понекогаш, на пример, во случај на автомобилска несреќа, може да бидат оштетени црниот дроб или слезинката, а тоа ќе се забележи и до неколку часа по несреќата.
Симптоми што може да укажуваат на внатрешно крвавење може да бидат:
Општа слабост
При силно губење на крв, „магла“ во главата и слабост се чести симптоми. Понекогаш овој симптом ќе се појави само кога лицето ќе се обиде да стане.
Болка
Болката е чест симптом при внатрешното крвавење. Силна болка во стомакот, или силна главоболка секогаш мора да се проверат од страна на лекар. Понекогаш болката може да биде локализирана и да се појави само на местото на крвавењето. Ако се работи, на пример, за крвавење во стомакот, локацијата на болката не мора да одговара на таа локација, па често може да се појави и во рамото.
Краток здив
Чувството дека не можете потполно да вдишите воздух може да биде симптом на крвавење каде било во телото. Со губењето крв, се намалуваат крвните зрнца кои пренесуваат кислород до ткивата, па тоа може да биде причина за тешкотии со дишењето. Секако, поврзано е и со крвавењето во градниот кош, или кога насобраната крв во адбоменот ја притиска дијафрагмата и така спречува поминување на воздухот во белите дробови.
Болка во градниот кош или рамениците
Крвавењето во градниот кош може да предизвика болка во него, а крвавењето во градите или адбоменот може да предизвика болка во рамениците. Болката во градниот кош може да се појави ако крвавењето се случува во кој било дел од телото поради намалениот проток на кислород до срцето.
Трнење во рацете и нозете
Ова чувство е многу често при внатрешно крвавење и носи неколку компликации, но и објаснувања. Со губењето на крвта, телото ќе ја „забави“ циркулацијата до екстремитетите и така ќе го намали дотокот на крвта до виталните структури како мозокот и срцето. Внатрешното крвавење може да предизвика и хипервентилација и поради болката и поради обидот да се зголеми дотокот на кислородот во остатокот од телото. Токму тоа може да ги предизвика овие симптоми.
Проблеми со видот и други невролошки компликации
Промените поврзани со видот, а поврзани со „маглата“ во главата, може да бидат последица на внатрешно крвавење. Промените, како двојна слика, слабост или вкочанетост на едната страна на телото, главоболка или губење на координацијата, може да бидат симптоми за крвавење во мозокот.
Мачнина и повраќање
Мачнината и повраќањето се многу чести кога е во прашање внатрешното крвавење, и може да се појават поради губење на крвта и болката, или да бидат поврзани со дигестивниот тракт или со мозокот.
