На Јутјуб се појави линк на кој што може во живо да се следи ситуацијата со пандемијата од коронавирусот во светот.
Ова стримање е постојано активно од 30 јануари и во живо ги надополнува статистиките низ светот во врска со ширењето на Ковид-19. Целта на овој стрим не е да се влее паника, туку едноставно јавноста да се информира за моменталната ситуација низ светот. На почетокот профилот бил регулиран само од еден човек, но со цел прецизноста да е подобра, се приклучиле повеќе луѓе кои ги пополнуваат статистиките.
Бројките на екранот се базирани на информации од официјални владини излагања и медиуми. Овие податоци не се секогаш најточни, но се најблиску до реалноста. Од самиот канал кој го води овој стрим е изјавено дека на крајот од денот нивната статистика неколкупати се поклопува со официјалните излагања на владата што ги прави прилично релевантни.
Доколку и вие сакате да ја следите ситуацијата со пандемијата, отворете го видеото:
Кога ќе почнат да светат некои бројки кај државите кои што се прикажани, тоа значи:
Црвено – починати
Жолто – заболени
Зелено – излечени
Чувајте се и следете ги препораките!
