Булгурот е полуварена, исушена и здробена пченица и има многу корисни својства што го прават многу вредна и здрава состојка. Сè почесто се зборува за оваа храна од Блискиот Исток токму поради нејзините здравствени придобивки.
Еве зошто треба да го вклучите во исхраната:
Нискокалоричен е
Ако замените булгур во вашата исхрана наместо други житарки ќе внесете помалку калории, на пример, во 200 гр ориз ќе внесете околу 700 kcal, додека од истото количество булгур ќе внесете помалку од 200 kcal. Дополнително, поради високото ниво на растителни влакна ќе се чувствувате сити.
Богат е со витамини и минерали
Меѓу другото, булгурот содржи витамин Б6, цинк, магнезиум и железо во прилично големи количини, што влијае на целокупната благосостојба на организмот, од зајакнување на имунолошкиот систем до правилно функционирање на хемоглобинот.
Фитохемикалии
Рстителните влакна и фитохемикалиите од булгурот заедно ќе ви помогнат да го регулирате шеќерот во крвта, што е исклучително важен фактор за подобрување на целокупното здравје на организмот на долг рок.
Брза и лесна подготовка
Слично на оризот, булгурот обично бара готвење во зовриена вода, во сооднос од 1/2, со услов времетраењето на подготовката на булгурот да биде нешто пократко (во зависност од видот на булгурот). За да го подготвите ова јадење ќе ви бидат потребни од 3 до 20 минути. Може да купите и ситен булгур кој треба само да го натопите со зоврена вода и да ја почекате да се впие.
Кога ќе завршите, можете да ја вклучите вашата креативност и да го користите во различни слатко-солени комбинации.
