17.8 C
Скопје
06:22 - 30 јуни, 2022

Што да промените во исхраната за да се ослободите од акните и мозолчињата?

Сите кои имаат проблеми со акните би требало повеќе да консумираат риба и ореви. Добро е да се избегнува белото брашно, особено рафинираното, како и преработените јаглехидрати, односно белиот леб. Исхраната богата со риба, овошје, житарки и мешунки (леќа, грашок, грав) доведува до почист тен. Омега-3 масните киселини ја подобруваат контролата на воспалителните процеси во целото тело, вклучувајќи ги и воспалените акни.

Тоа значи дека храната која ќе го исчисти вашиот тен се темели на сардини, скуша, лосос, ореви и ленени семки. Лососот е богат со омега-3 масни киселини кои ви помагаат во борба против акните, а воедно придонесуваат за подобро расположение бидејќи ги стабилизираат хормоните. Стресот и хормоните се главни причинители за појава на акните, а здравите масти и протеините од лососот помагаат за зголемување на нивото на колаген во кожата.

Резултатите покажале дека по 12 недели консумирање повеќе протеини и помалку рафинирани јаглехидрати, појавувањето на акни на кожата се намалува 50 отсто, што значи дека самата исхрана го намалува нивото на хормони кои влијаат на акните. Ако имате проблеми со откажување од скроб – нека вашиот избор биде слаткиот компир – батат. Освен што е вкусен, го намалува нивото на шеќер во крвта, што е клучно за спречување на акните. Содржи и голема количина витамин А и витамини од Б-групата кои играат голема улога во здравјето на кожата.

Ако вашата кожа е склона кон акни, можеби треба да ја намалите количината на млечни производи што ги внесувате (млеко, матеница, путер, сурутка, шлаг, сирење и сладолед), за да проверите дали тоа има позитивен ефект врз кожата.

Исхрана со низок гликемиски индекс (ГИ). Обидете се да ги замените намирниците со висок ГИ (на пример, рафинираната храна, како што се бел шеќер, бел леб, храна богата со шеќер, компири, бел ориз) со оние што имаат среден или низок ГИ и кои побавно ќе го ослободуваат шеќерот (на пр. мешунките – грав и леќа – и житарките од цело зрно, малку овошје и зеленчук). Храната со висока содржина на влакна (овес, леќа и сл.), исто така, може да помогне во регулирањето на инсулинот (познато е дека инсулинот ги стимулира машките хормони кои можат да предизвикаат појава на акни).

Јадете портокалови намирници. Бета-каротенот и витаминот А се најголеми непријатели на акните. Затоа,во исхраната често вклучувајте моркови, тиква, диња, сладок компир и сл.

Подобрете го нивото на цинкот. Цинкот е исклучително важен за здрава кожа. Помага во ублажување на воспалението и делува против P. acnes, бактерија на кожата која е тесно поврзана со појавата на симптоми на мрсна и проблематична кожа. Исто така, постои и истражување кое потврди дека луѓето што страдаат од акни имаат недостаток на цинк. Зелениот зеленчук (особено спанаќот, кељот и брокулата) е богат со антиоксиданти и е добар извор на цинк.

 

 

 

 

 

Слични објави

За сексуално и психичко злоставување жени: Пејачoт Ар Кели осуден на 30 години затвор

Еспресо

Ева Лонгорија за абортусот во САД: „Ние жените нема да молчиме; требаше Обама да именува нови судии, а не Трамп“

Еспресо

„По разделбата со Џони Деп ги собирав деловите од својот живот, не се грижев за себе“, Винона Рајдер отворено за своите мрачни периоди од животот

Еспресо

Сузана Манчиќ прозборе за голите фотографии: Заработив повеќе од кој било во историјата на Плејбој

Еспресо

Од Летиција од Шпанија до Брижит Макрон, Џил Бајден и Елизабета Ѓоргиевска: Најдобрите модни изгледи на гала вечерта на самитот на НАТО

Еспресо

Портпаролот на Џони Деп: „Нема враќање во Пиратите од Карибите“, фановите се разочарани

Еспресо
Се вчитува....