Загрижен татко на социјалната мрежа „ТикТок“ објасни зошто мисли дека облеката за новородените девојчиња не е соодветна поради нивниот крој. Тој исто така спомна дека повеќе сака да ѝ купува работи за момчиња за својата ќерка.
Една корисничка под името „ericasaysstuff“ ги замоли луѓето да кажат кога сфатиле дека прекумерната сексуализација на жените започнува уште од најрана возраст.
Нејзе ѝ одговори еден татко на „ТикТок“ познат како „world.shaker“ наведувајќи дека овој проблем првпат го забележал кога е облеката во прашање.
„Знаев дека ситуацијата е лоша, но не мислев дека е толку катастрофална. Добивме боди за бебе на кое пишува: „Извинете момци. Тато вели дека не можеме да бидеме во врска“, напишал тој.
@world.shaker#stitch with @ericasaysstuff #parenting #girldad #walmartsethrogen #babyclothes♬ Emotional Piano Instrumental In E Minor – Tom Bailey Backing Tracks
Понатаму прашал на кого би му паднало на памет да се забавува со девојче кое има помалку од еден месец. Тој смета дека ваквите натписи никако не се смешни или интересни.
„Секое парче гардероба за девојчиња ми оди на нерви. Зошто сè е розово? Зошто сè е полно со светки?“, праша тој.
Загрижениот татко исто така, праша зошто не може да најде едноделен костим за капење и зошто облеката за девојчиња е помала од облеката за момчиња, иако пишува дека е за иста возраст.
„На момчињата може да им се купат шорцеви со нормална големина, а за девојчињата се прекратки. Решивме да ѝ купиме панталони за момчиња затоа што оние кои се „наменети“ за неа се премногу тесни и всушност изгледаат како хеланки. Не сакам да го „стискам“ моето бебе во хеланки секогаш кога и менувам пелена. Облеката на девојчињата е најлоша“, заклучил тој.
