Анонимна мајка на родителскиот форум „Mumsnet“ си ја „отвори“ душата и раскажа за една расправија во нејзиното семејство.
Имено, нејзината ќерка кон крајот на октомври треба да наполни 17 години, а на почетокот на годинава почнала да работи. Тинејџерката заработувала околу 14.500 фунти годишно, што е нешто повеќе од 10.000 фунти месечно. Со оглед на тоа што, како што вели мајката, нема никакви финансиски обврски освен што си купува ручек секој ден, таа ја замолила да почне да придонесува за домаќинството со 50 фунти неделно, што би значело околу 2.000 фунти месечно.
„За таа сума, ќе ѝ биде обезбедена храна, топла вода, патување до и од работа (не живееме на автобуската рута) и други вообичаени работи. Ќерка ми ме натера да се чувствувам како најлошата мајка на светот“, се пожали жената.
Вели дека останала без додаток за децата, а наскоро таткото на девојчето ќе престанал да плаќа алиментација. Во исто време, нивните трошоци останале исти или зголемени.
„Ја замолив да ја плати сметката за телефон за јули, бидејќи си купи нов мобилен телефон, со ветување дека самата ќе го плати. Ѝ платив за автошколата, а кога ќе го положи испитот, очекува автомобил“, додава мајката.
Таа смета дека нејзиното барање е праведно, но расправијата со нејзината ќерка ја натерало да побара совет од интернет заедницата.
„Воопшто не сте неразумна. 16-годишна девојка која заработува толку многу мора да даде барем нешто. Од остатокот може многу добро да заштеди“, напиша еден корисник.
„Ако одлучила да не ви плаќа, тогаш може да си изнајми и сопствен стан“, додава друга мајка.
„Кога го прочитав насловот на темата мислев дека е малку злобно, но потоа се премислив. Ми се чини дека вашата ќерка е размазена. Да сум на ваше место би престанала да ја возам до и од работа, да ѝ плаќам часови за возење и сметки. Оставете ја да се организира сама и си ги плати тие работи“, советува трета.
„Ако не плаќа, не гответе храна за неа, не ѝ ја перете облеката и слично“, пишува друг корисник.
Меѓутоа, имаше и такви кои мислат дека мајката не е во право.
„Барате од 16-годишно девојче да плаќа за престој во сопствениот дом. Секако дека сте неразумни“, „Не требало да имаш деца што не можеш да ги издржуваш“, „Животот е навистина тежок за младите денес. Не е лесно како порано да се купи стан или куќа, само се преживува и заштедата сигурно ќе ѝ значи“, беа дел од коментирите на оние кои не се согласуваат со идејата децата да придонесуваат во домашниот буџет, пишува „Индекс“.
Што мислите вие?
