И додека некои среќници викендот го имаат само за себе, да се одморат, забавуваат и да се подготват за работната недела, за поединци тој луксуз е незамислив, бидејќи за нив и викендот е резервиран за работа.
Не е воопшто едноставно кога знаете дека во моментот додека вие работите, вашите другари уживаат во трач партија покрај омиленото кафе, а вашето момче/девојка одмара дома покрај ТВ, но што е тука е, на вас ви останува додека сте на работа да дадете се од себе.
Меѓутоа, работата за викенд навистина не му одговара на вашето здравје, а ни на вашиот мозок. Истражувањето спроведено во Лондон потврди дека голем процент на луѓе, кои работат за викенд стануваат се поподложни на депресија, а ова особено се однесува на припадниците на понежниот пол.
Оваа студија е спроведена на преку 20.000 вработени и докажа дека лицата кои работеле повеќе од 55 часа неделно, за дури 10 проценти се поподложни на депресија и различни анксиозности. Истражувањето покажа дека многу поголем број на жени работат за викенд.
Жените се под голем стрес и во текот на работната недела, бидејќи мораат да балансираат помеѓу најразлични обврски, како деловни, така и приватни, а кога ќе сфатат дека дури ни за викендот нема да бидат слободни за да одморат, се чувстваат безизлезно, под голем притисок се и поради таа ситуација, доаѓа до депресивно расположение и најразлични анксиозни состојби.
