Често, после ручекот или вечерата, се чувствуваме како да не сме доволно сити и бараме нешто слатко
Лекарите се согласиле дека желбата за нешто слатко по оброците е најтешко да се контролира. Покрај тоа што ова е „моќна“ навика која ја имаме уште од мали нозе, постојат уште неколку причини поради кои нашето тело бара нешто слатко.
Моќта на навиката
Како што се испоставува, желбата за шеќер е всушност прашање на навика.
„Имате охрабрување, однесување и награда. Во случај на желба за шеќер, поттик би можел да биде крајот на вечерата, однесувањето е конзумирање слатки, а наградата е чувството што го имате после тоа“ – вели д-р Мајкл Крупејн.
Кога консумираме слатки, хормонот одговорен за доброто чувство кое се ослободува по уживањето во нашиот омилен десерт е допаминот, а хормонот кој го регулира нивото на шеќер во крвта е инсулинот.
„Кога јадеме шеќер, инсулинот се зголемува во мозокот, што е нашиот пат до награда. Ова предизвикува зголемено ослободување на допамин, што прави да се чувствуваме добро. Тоа, исто така, нашето однесување во исхраната го прави навика. Како резултат на тоа, се навикнуваме на фактот дека секогаш кога јадеме оброк, ќе се чувствуваме добро само ако јадеме нешто слатко“ објаснува докторот и додава дека истиот ефект ќе го почувствуваме и ако јадеме некои „поздрави“ слатки како на пример темно чоколадо.
Хормони на глад
„Уште една причина зошто се јавува желба за десерт може да биде поврзано со грелинот, кој е хормон на гладот“ - вели д-р Мехмет Оз.
Докторот верува дека оние поединци кои не јадат доволно и немаат урамнотежена исхрана повеќе копнеат за слатки.
„Пребрзото консумирање храна може да ја зголеми желбата за храна, но и за слатки“ – додаде докторот.
Ниско ниво на серотонин
Дали сте забележале дека после напорниот ден на работа, штом ќе се вратите дома, копнеете по нешто слатко? Тоа би можело да биде поврзано со нивото на серотонин, пишува „Real Simple“.
Серотонинот помага во регулирањето на расположението, па затоа е сосема логично телото да го посакува кога сме под стрес или депресивни.
„Познато е дека пониските нивоа на серотонин во мозокот може да предизвикаат желба за шеќер. Исхраната богата со шеќер го подобрува расположението и ја ублажува анксиозноста“ – вели д-р Оз.
Недостаток на сон
„Недостатокот на сон се поврзува со прејадување, особено со нездрава храна. Обидете се да спиете најмалку осум часа, тоа може да ја намали желбата за нездрава и слатка храна“ – вели д-р Крупејн.
Недостаток на хранливи материи
Колку пати сте почувствувале вртоглавица откако долго не сте јаделе нешто слатко или колку пати ви се случило практично „хронично“ силна желба за слатко? Причината може да биде нерамнотежа на шеќерот во крвта, како што е хипогликемија.
Сепак, заклучоците не треба веднаш да се носат! Кога на телото му недостасуваат одредени минерали кои се вклучени во регулирањето на нивото на инсулин, тоа може да влијае и на желбата за слатки. Меѓутоа, кога телото не добива доволно магнезиум, ќе имате проблеми со снабдување на клетките со енергија, па ќе се појави желба за шеќер, кој помага да се подигне нивото на енергија.
