Учесничката на „Задруга 9 – Елитa“, Маја Маринковиќ, итно го напушти реалното шоу поради сериозна здравствена компликација. До проблемите дошло кога силиконот од нејзината задница почнал да протекува, што довело до сепса, опасна состојба која може да заврши фатално. По операцијата, за јавноста проговори нејзиниот татко Таки Маринковиќ, кој откри колку всушност бил критичен моментот.
„Операцијата беше ризична – можеше да биде кобно“
„Мајa падна во реалити куќата и од тогаш почнаа компликациите. Силиконот се поместил и почнал да тече… Чув дека за време на вадењето на вештачкиот материјал можела да умре, бидејќи доби сепса. Операцијата траеше два и пол часа, беше многу напнато, но сега е подобро,“ изјавил Таки за Информер.
Тој додава дека сè уште не ја видел ќерка си, бидејќи контакт со семејството е забранет додека е во процес на медицински надзор.
„Не смеам да ја видам. Во контакт сум со медицинскиот тим и продукцијата, сите велат дека е стабилна. Сакав барем неколку минути да бидам со неа, но не дозволуваат. Докторите направија сè како што треба и ќе видиме како ќе се опоравува,“ вели загрижениот татко.
Од продукцијата најавија дека, по целосно закрепнување, Маја ќе се врати во реалното шоу. Таки истакнува дека неговата најголема грижа е единствено нејзиното здравје:
„Само да е жива и здрава – другото не е важно,“ заклучи тој.
