Српската пејачка Марија Шерифовиќ го прослави вториот роденден на својот син Марио, кого го доби со помош на сурогат мајка.
Откако стана мајка, Марија донекаде се повлече од музичката сцена, за целосно да се посвети на својот наследник и да биде присутна што е можно повеќе во моментите на неговото растење.
Сега, таа го собра своето семејство и најблиските пријатели во својот дом за да го одбележи овој важен момент со нив. Ги организираше маскотите и посебната декорација, низ целиот стан имаше балони, и сè беше во жолта боја, поради ликовите од цртаниот филм „Мињони“, кои се и инспирација за декорацијата.
Во објавата што ја сподели, го гледаме момчето како си игра со маскотите, додека Марија Шерифовиќ му пее.
Во нивниот дом не недостасува добро расположение, а колку е среќна Марија и колку ужива во својата улога на мајка може да се види во нејзината објава.
