Експертите открија зошто ја примаме вакцината во мускулот на надлактицата

Многу луѓе се прашуваа зошто се прима токму во тој дел од телото и зошто понекогаш боли, а одговорот го даде Либи Ричардс, професорка на Универзитетот „Пурдју“.

Некои вакцини се даваат орално, некои во поткожното ткиво, но повеќето се даваат во мускулот на надлактицата, а тоа се нарекува интрамускулна инјекција. Една од таквите е и вакцината против ковид-19.

Многу луѓе се прашуваа зошто се прима токму во тој дел од телото и зошто понекогаш боли, а одговорот го даде Либи Ричардс, професорка на Универзитетот „Пурдју“.

Мускулите се одлично место за примање на вакцината, затоа што нивното ткиво содржи имуни клетки кои се исклучително важни бидејќи го препознаваат антигенот или упатствата за производство на антигените – кои се инјектираат со вакцината против ковид-19. Имуните клетки во мускулното ткиво ги собираат и ги презентираат на лимфните јазли.
Уште една причина е тоа што мускулното ткиво ја одржува вакцината локализирана и им овозможува на имуните клетки да ги предупредат другите за вирусот. Така имуните клетки со антиген, откако ќе се создадат, стигнуваат до лимфните јазли, а тие се клучна компонента на нашиот имунолошки систем, бидејќи започнуваат процес на создавање антитела. Групите на лимфни јазли се наоѓаат во подрачјата близу до местото на примената вакцина.
Болката на местото на убодот од вакцинaта се појавува од истата причина – затоа што мускулното ткиво ја задржува реакцијата локализирана, односно на едно место. Исто така, ако одредени видови вакцини се вбризгуваат во масното ткиво, се зголемуваат шансите за иритација или за воспалителни реакции, бидејќи масното ткиво е помалку снабдено со крв, што резултира и со послаба апсорпција на некои состојки на вакцината. Вакцините за кои се потребни помошни средства или состојки кои го зајакнуваат имунолошкиот одговор на антигенот, мора да се инјектираат во мускулот за да се избегне поголема иритација и воспаление.
Немојте да се изненадите ако вашето дете, на возраст од три години, прими вакцина во бутниот мускул. Имено, нивните мускули на рацете се сè уште премали и послабо развиени, а големината на мускулите е уште еден одлучувачки фактор кога е во прашање местото на вбризгувањето на вакцината.

Последната причина за примањето вакцина во раката е практичноста. Проф. Ричардс вели дека навистина не би било практично сите луѓе да мора да ги соблекуваат панталоните во просториите каде што, особено сега, се одвиваат масовните вакцинации. Мускулот на надлактицата е полесно достапен за медицинските работници и целиот процес трае пократко отколку кога би се вбризгувала во бутниот мускул.

Слични објави

Антонија Гиговска: Спокојот на Пелистер ме подготвува за нови музички дела

Теодора Циклевска

Ова ниту на непријателот да не му се случи: Српската пејачка Вики го пронашла синот парализиран во кревет!

Васко Спасоски

ВИДЕО: Цеца одбила да ја пее: Ова песна ја добила по убиството на Аркан!

Васко Спасоски

Таа е најзгодната пејачка на српската естрада: Младата Милица Павловиќ во долна облека се снима на огледало! (ВИДЕО)

Васко Спасоски

Ги следи во чекор – Среќата им е најголем пријател на овие 2 хороскопски знаци

Еспресо

Маријан Стојаноски го прослави својот роденден со мала забава (ФОТО)

Васко Спасоски

Остави Коментар