Одржувањето соодветна рутина за нега на кожата може да биде доста напорно, а друго на што треба да обрнете внимание е миењето на лицето додека се туширате, што може негативно да влијае на вашата кожа, особено ако температурата на водата е многу висока.
Без разлика дали сe туширате наутро пред да одите на работа или пред спиење, многу е веројатно дека вашата рутина вклучува миење на лицето под туш.
Сепак, многу дерматолози веруваат дека никогаш не треба да го миете лицето под туш и дека секогаш треба да се третира одделно од останатиот дел од телото. Причината за тоа лежи во несоодветната температура на водата.
Без разлика колку топлиот туш може да изгледа примамливо во зима, може да ја оштети кожата и да предизвика црвенило и раздразливост. Топлата вода, исто така, ја дехидрира кожата и може да предизвика воспаление. Од овие причини, лицето секогаш треба да се мие со млака вода.
Топлата вода може да предизвика иритација што може да биде особено штетна за чувствителната кожа. Ова може да ги влоши различните состојби на кожата, како што се акните.
Исто така, постои мит дека миењето на лицето под туш ја изложува кожата на сите валкани работи што се во вашата бања.
Правилната температура на водата е клучна за грижата за вашата кожа. Иако туширањето и миењето на лицето со топла вода еднаш или двапати неделно нема да предизвика значителна штета, секојдневното повторување на овој процес може да предизвика дехидрација.
Како што наведува „Healthine“, „Умереноста е клучна“ и краткото миење на лицето со топла вода под туш во комбинација со секојдневно темелно чистење со ладна или млака вода е најдобриот избор за вашата кожа.
