Ако некој ги заслужува сите аплаузи, тоа е дефинитивно „Златна Бубамара“, бидејќи е единствената манифестација која веќе 23 години успешно опстојува, без разлика какви политички ветришта дуваат во државата.
Организаторот Ранко Петровиќ и оваа година се потруди да ги собере најдобрите и најквалитетните од нашата земја, но и регионот.
Домаќинот Сашко Коцев и оваа година имаше „полни раце“ работа. Се разбира на менито му беше аферата „Рекет“, па се пошегува и со нашиот прием во НАТО, а најголем впечаток остави неговиот настап кога го препеа хитот на легендарниот Тома Здравковиќ, „Дотако сам дно живота“.
– Како да те Кики моја, како да те Фрики моја… “, вака некако одеше новиот текст на песната.
Инаку вчера беа доделени доста награди, но секоја издржана и секоја од нив заврши во вистинските раце.
Ќе започнеме со ред:
Инклузивна танцова претстава – Пепелашка-Еурека
Најпопуларна детска ТВ емисија – Дајте музика
Песна за век и векови – На Велигден (Џина Папас Џокси)
Пејачка на годината – Тамара Тодевска
Хит на годината – Proud (Тамара Тодевска)
Спортски подвиг – Илина Арсова (7 врвови)
Најсатирична емисија – Фчерашни новости
Трајни музички вредности – Електрични оргазам
Театарска претстава – Мој термин (МНТ)
Актер на годината – Јордан Симонов
Актерка на годината – Тања Кочовска
Најпопуларна регионална пејачка – Јелена Розга
Животно дело во областа на музиката – Ангеле Димовски
Трајни музички вредности во етно музиката – Синтезис
Интернационална награда за животно дело – Раде Шербеџија
Концерт – Влатко Стефановски и Мирослав Тадиќ
Животно дело во областа на филмот – Столе Попов
Награда за прва труба – Џамбо Агушев
Најголем интернационален успех – Медена Земја
Амбасадори на македонската култура – Танец
Спортски успех – РК Вардар
Музички Продуцент – Мите Димовски
ТВ актерка – Јелена Јованова
Најпопуларна ТВ Проект – Преспав (ОХО)
Трајни музички вредности во рок музика – Ристо Вртев (Архангел)
Трајни музички вредности – Галија
Пејач на годината – Влатко Лозаноски
Од синоќешните настапи ќе издвоиме само неколкумина. Тамара Тодевска буквално ја „разнесе“ сценографиајта со нејзината изведба на евровизиската „Proud“.
Влатко Стефановски и Раде Шербеџија ја разнежнија публиката со антологиската „Остала си увек иста“, исто така и момците од „Некст Тајм“ ја наежија публиката со нивната „Ѓурѓо“, а на бината им се придружија ракометарите од РК Вардар.
Уште долго ќе се зборува за настапот на Ристо Вртев од „Архангел“. Публиката уживаше во „Милион долари“, „Везилка“ и „Убер Македонише“.
Исто така одлични на бината беа и Јелена Розга и нашиот Џамбо Ангушев.
Последен на синоќешната „Златна Бубамара“ беше моментално најголемата музичка ѕвезда во Македонија, миленикот на публиката, Влатко Лозаноски. Тој и неговиот бенд буквално изгледаа и звучеа светски!
Погледнете низ фотографии како беше на 23. издание на „Златна Бубамара“.
