Патувањето на Володимир Зеленски во САД не е чекор напред кон мирот, туку барање поддршка и благодарност. „Битката не е само за животот, слободата и безбедноста на Украинците или која било друга нација што Русија сака да ја освои. Борбата ќе дефинира во кој свет ќе живеат нашите деца и внуци“, изјави украинскиот претседател кон Конгресот, потсетувајќи дека неговиот народ води битка за слобода за сите. 300 дена по почетокот на конфликтот, Зеленски за прв пат ја напушта својата земја и отиде во посетак кај најмоќниот од сојузниците.
President Biden hosted President Zelenskyy of Ukraine at the White House today to underscore the United States’ enduring commitment to Ukraine and the Ukrainian people as they defend their democracy and freedom. pic.twitter.com/7AF6pgPG6l
— The White House (@WhiteHouse) December 22, 2022
Зеленски беше пречекан со овации кога излезе да зборува облечен во неговите препознатливи зелени панталони и кошула во војнички стил. Украинскиот лидер беше поддржан со долг аплауз додека се присетуваше на американските битки против нацистичка Германија и на воените обврски на претседателот Френклин Рузвелт во обид да го задржи протокот на американските резерви на оружје за војната против Русија.
View this post on Instagram
– Нашите два народа се сојузници во оваа борба и следната година ќе биде пресвртница. Знам. Точката во која украинската храброст и американската решителност мора да ја гарантираат иднината на нашата заедничка слобода. Слободата на луѓето кои се залагаат за своите вредности – рече тој.
По моќниот говор, Зеленски го развиори сино-жолто украинско знаме за кое рече дека доаѓа од линијата на фронтот. Претседателката на Претставничкиот дом Ненси Пелоси и потпретседателката Камала Харис го подигнаа знамето.
– Ова знаме е симбол на нашата победа во оваа војна. Стоиме, се бориме и ќе победиме затоа што сме обединети, Украина, Америка и целиот слободен свет – рече тој.
