„Јас лично сум благодарен на американскиот народ и на претседателот Џо Бајден што додели уште еден невиден пакет помош од 1 милијарда долари за безбедноста на Украина“. Претседателот Володимир Зеленски напиша на Твитер. „Секој долар од оваа помош е чекор кон поразот на агресорот“, и продолжува во твитот, „секогаш ќе ја паметиме поддршката на САД кога беше најпотребно“.
Инаку во текот на вчерашниот ден Зеленски имаше и видео-конференција со Бил Клинтон, поканувајќи го поранешниот американски претседател да го привлече вниманието на светската заедница за бомбардирањето на нуклеарната централа Запорижје. Ова го објави украинската агенција УНИАН, додавајќи дека Зеленски им се заблагодарил на САД за поддршката на различни нивоа, како и за личната поддршка на Бил и Хилари Клинтон.
