Легендарниот пејач Здравко Чолиќ се смета за една од најголемите ѕвезди во поранешна Југославија, а неговите хитови се обожавани од сите генерации. Наводно, Чола наплаќа за пеење на минута на приватни прослави. Една минута наводно чини 1.000 евра.
„Здравко Чолиќ наплаќа на минута. Колку минути, толку илјадници евра. Ако го сакате на час, 60.000 евра“, рекол извор за локалните медиуми, пишува српски „Курир“.
Патем, Здравко Чолиќ неодамна пеел на свадба и зел 45.000 евра за 45 минути.
„Тој имал одредени услови, кои младенците и нивните семејства ги исполниле без збор, па сè било договорено многу брзо. Меѓу другото, побарал сцената да се подигне од подот за гостите да не му се приближуваат премногу додека пее, да нема нарачување песни и фотографирање со гостите…“, додал соговорникот.
„За 45 минути, тој побара 45.000 евра, и веднаш беше прифатено, бидејќи младенците ја обожаваат неговата музика. Првиот танц беше одигран заедно со песната „Тебе чувам за крај“. Тој отпеа некои од своите најголеми хитови, а сите беа воодушевени кога ја изведе песната „Ти си ми у крви“. Веднаш по настапот, тој го напушти барот во придружба на обезбедувањето на ресторанот“, додаде тој за локалните медиуми.
