Американската пејачка, актерка и продуцентка, Џенифер Лопез (50) е фотографирана додека излегувала од својата омилена теретана во Мајами, додека пак друштво и прави нејзинот вереник, Алекс Родригез (44).
Џенифер повторно покажа затегнат стомак во црвен краток топ и шарени хеланки со висока половина.
Иако оваа теретана е затворена за јавноста поради пандемијата од коронавирусот кој хара низ светот и полицискиот час кој е на сила во САД, познатиот пар вежба во неа, но пред да влезат се прави комплетна дезинфекција.
– Оваа теретана е затворена, останете дома, останете безбедни – пишувал на вратите на теретаната, која Џеј Ло и Алекс често ја посетуваа пред вонредната состојба.
Додека славниот пар вежбаше, пред теретаната ги чекаше нивниот личен шофер, кој на себе носеше маска за лице, а додека ги чекаше тој го дезинфекцираше автомобилот.
Тој со влажни крпи ги бришеше рачките од вратите на автомобилот, а потоа исто така со влажна крпа и ја отвори вратата на пејачката за да влезе.
Инаку Џеј Ло и Алекс се во самоизолација во Мајами и таму го поминуваат слободното време со своите деца кои ги имаат од претходните бракови.
