Принцот Вилијам и Кејт Мидлтон продолжуваат да ја покажуваат својата целосна поддршка за Украина, која е нападната од Русија.
Откако го прекршија кралскиот протокол со твит во кој за прв пат јавно зборуваат за политика, недвосмислено искажаа дека се против агресијата на Путин.
„Ние сме со украинскиот народ“ – рекоа Вилијам и Кејт при посетата на Украинскиот културен центар во Лондон.
Принцот и неговата сопруга – и двајцата облечени во џемпери од кашмир во сина нијанса, многу слична на онаа на украинското знаме – не пристигнаа со празни раце: на волонтерите кои подготвуваа кутии со основните потреби што ги донираат Британците за да им помогнат на Украинците, тие им донесоа здрави домашно подготвени колачиња и чоколадни брауни.
View this post on Instagram
За време на посетата на Украинскиот културен центар во Лондон, Вилијам и Кејт уште еднаш ја искажаа британската поддршка за украинскиот народ, додавајќи дека се шокирани од војната што избувна на европско тло. Но и дека би сакале да направат нешто повеќе.
„Се чувствуваме толку бескорисни“, призна Вилијам.
Сепак, војводите од Кембриџ навистина направија се што можат. Тие понудија помош од Кралската хуманитарна фондација за децата кои страдаат од трауми и кои се соочуваат со ментални здравствени проблеми поради конфликтот.
