Многу суеверни Јапонци ги вознемири информацијата дека познатата вулканска карпа, за која се верува дека го убива секој што ќе дојде во контакт со неа, е пронајдена поделена на два дела. „Гардијан“ пренесува дека според митологијата поврзана со Сешо-секи, или „каменот убиец“, се верува дека тој го содржи телото на Тамамо-но-Мае.
Се верува дека Тамамо-но-Меј била преубава жена која феудалниот војсководец сакал да ја искористи за да го убие императорот Тобу, кој владеел од 1107 до 1123 година. Легендата вели дека нејзиниот вистински идентитет била злобната деветопашеста лисица, чиј дух завршил во парче лава. Тоа парче лава се наоѓа во областа Точиги во близина на Токио, позната по топлите извори со сулфур.
九尾の狐の伝説が残る、殺生石にひとりでやってきました。
縄でぐるっと巻かれた真ん中の大きな岩がそれ…
のはずなのですが、なんと岩は真っ二つに割れて、縄も外れていました。
漫画だったらまさに封印が解かれて九尾の狐に取り憑かれるパターンで、見てはいけないものを見てしまった気がします。 pic.twitter.com/wwkb0lGOM9
— Lillian (@Lily0727K) March 5, 2022
На социјалните мрежи се појавија фотографии на кои се гледа дека каменот, односно парче лава, се скршил на два речиси еднакви дела. Тие суеверни луѓе сега предупредуваат дека според народните преданија каменот испушта отровен гас, поради што го добил името „камен убиец“.
– „Се чувствувам како да гледам нешто што не треба да го гледам“, „Дали ова значи дека мрачните сили се ослободени?“ пишуваат суеверни корисници на социјалните мрежи.
Пукнатината ја предизвикал дождот
Ако го оставиме суеверието на страна, и науката има свој поглед на работите. Локалните медиуми наведуваат дека на карпата пред неколку години се појавиле пукнатини, кои веројатно овозможиле дождовницата да навлезе внатре и да ја ослаби структурата на карпата. Затоа каменот на крајот пукнал.
Japan’s Sessho-seki ‘killing stone’ splits in 2, trap for the evil spirit Tamamo-no-Mae, a beautiful woman who plotted with a warlord to kill Emperor Toba, 1107-1123. Her true identity was an evil 9-tailed fox whose spirit is embedded in the hunk of lavahttps://t.co/wFnObTD9Eq pic.twitter.com/NPUPI5uqI6
— Alfons López Tena (@alfonslopeztena) March 7, 2022
Масахару Сугавара, водач на локална волонтерска група водичи, за локалните медиуми изјави дека е „штета што каменот да се преполовил затоа што бил симбол на таа област“, но се согласил дека природата едноставно тргнала по својот пат. Локалните и државните претставници ќе се сретнат за да разговараат за судбината на каменот.
View this post on Instagram
