Марија Шерифовиќ сподели емотивно видео со малиот Марио и му се обрати со емотивни зборови. Пејачката истакна дека последните две години, откако го добила својот син, биле најдобрите во нејзиниот живот.
– Нашата втора година. Годината на мојот најголем раст. Сигурна сум во тоа. Ти благодарам, сине. Ти благодарам што ме научи на живот. Растеме заедно. И секое утро се трудам да бидам подобра за себе, да бидам најдобра за тебе – напишала Марија Шерифовиќ во описот на видеото, кое вклучува серија фотографии со нејзиниот син Марио.
Патем, во последните две години, декември е особено важен месец за неа, бидејќи тогаш го одбележува роденденот на нејзиниот син.
– Декември стана мојот нов најважен месец во годината. Марио сега е големо момче на кое му посветувам секоја секунда од моето слободно време – открила пејачката.
