Преработка на композицијата „Ин корпоре сано“ на Констракта стана хит на ромска свадба, погледнете го урнебесното видео: свадбарите се во транс, шесткатна торта се тресе од популарниот ритам.
На претстојниот Евросонг во Торино, Италија, Србија ќе ја претставува пејачката Констракта која со песната „In corpore sano“ крена голема прашина во домашната и светската јавност.
На некои им се допадна, на некои не, но едно е сигурно – нема некој на кој песната не му „влезе во уши“ и кој не го повторува стихот „уметница мора бити здрава“. За популарноста на песната говори и тоа што почнала да се пее на свадби!
Пејачот Слободан Батјаревиќ Цобе ги запали социјалните мрежи со видео во кое ја пее песната „In corpore sano“ на ромска свадба додека младенците сечеле торта која имала дури шест ката.
Учесникот на натпреварот Ѕвезда Гранда ја прилагодил песната на радосната свадбена атмосфера , а „свадбената“ верзија на песната на Констракта брзо стана хит на социјалните мрежи.
Погледнете го урнебесното видео.
View this post on Instagram
