Пејачката Марија Шерифовиќ потекнува од Крагуевац, а на 25 мај го одржа својот прв солистички концерт во родниот град.
Таа отпатува таму со својот син Марио, а како што пренесуваат српските медиуми во еден момент се расплакала додека им пеела на своите сограѓани.
– Еве јас сум во Крагуевац дома со Марио, само ручавме, се разбира некое печење. Сега е околу седум часот, ќе одам да одморам. Поздрав од Крагуевац – порача таа во својот блог.
Следниот ден Марија се подготвувала за концертот, а на самиот почеток одржала емотивен говор.
– За почеток, драги мои Крагуевачани и останатите кои се чувствувате така, добра вечер. Пред 20 години храбро се спакував со желба да одам некаде и да бидам најдобра. Сум пеела во Крагуевац можеби двапати досега, не знам ни како се случи да поминат дваесет години додека да одржат убав солистички концерт – изјавила Марија.
