Кралот Чарлс III во еуфорично расположение излезе на подиумот и почна да танцува со Ева Шлос, полусестра на Ана и Марго Франк.
За време на неговата посета на центарот Финчли Роуд на еврејската заедница во северен Лондон, кралот долго разговарал со 93-годишната Ева, ќерка на Елфрид Гајрингер, која во 1953 година се омажила за Ото Франк, таткото на Ана, и го преживеала Аушвиц. Ева Шлос е позната и по своите мемоари посветени на жртвите на Аушвиц.
„Беше многу симпатичен, навистина учествуваше во танцувањето. Изгледаше многу опуштено, уживаше“, коментира Шлос за Гардијан, опишувајќи го Чарлс како достапен и забавен човек.
King Charles dances with members of a Jewish community center in London pic.twitter.com/KdDG5Ldin0
— Reuters (@Reuters) December 17, 2022
Подоцна во текот на денот, кралот ја искористи можноста да се сретне со ученици кои пакуваа подароци и подготвуваа корпи со храна за семејствата кои го преживеале Холокаустот.
„За жал сè уште постои антисемитизам, луѓето велат дека Евреите треба да се вратат во Израел: ова е Англија, но се надевам дека наскоро ќе ги надминеме овие предрасуди“, рече Шлос која на настанот беше во улога на активистка.
