Семејството на Брус Вилис го слави неговиот посебен ден со љубов, смеа и роденденска песна!
Во чест на 68-миот роденден на Брус Вилис кој се славеше вчера, во недела, поранешната сопруга Деми Мур објави домашно видео на Инстаграм во кое се прикажува семејството – вклучувајќи ја и неговата сопруга Ема Хеминг Вилис и неговите деца – како пеат срдечна изведба на “Happy Birthday” и споделуваат колач со свеќички. .
Вилис се појави на видеото видно воодушевен од мелодијата и насмеан, додека неговото семејство е околу него. Потоа ги дувна своите роденденски свеќи пречекан со ентузијастички аплауз, по што следеше рефрен „Хип-хип, ура!“
View this post on Instagram
„Среќен роденден Брус Вилис. Толку сум среќна што денес те славиме“, напиша Мур во објавата на видеото. „Те сакам и го сакам нашето семејство. Благодарам на сите за љубовта и топлите желби – сите ги чувствуваме“.
Вчера пак, роденденска објава на социјалните мрежи пристигна од сопругата на Брус, Ема, која во многу емотивно обраќање кажа дека секојдневно доживува тага и болка, а емоциите се уште поинтензивни на роденденот на Брус.
View this post on Instagram
„Денес е роденден на мојот сопруг. Утрото го започнав со плачење, како што можете да видите по моите отечени очи и растечен нос“, започна Ема. Таа продолжи да објаснува дека постојано добива подршк од луѓето дека е силна, а самата не знае како е, дека сака да има избор, но исто така нагласи дека одгледува две деца додека се справува со состојбата на нејзиниот сопруг.
Таа за видеото што го сподели, а кое го направила за роденденот на нејзиниот сопруг, рече дека е како „нож во моето срце“.
